Sankt-Peterburqda Novruz bayramı qeyd edilib
, 2023
Sankt-Peterburqda Novruz bayramı qeyd edilib
Rusiyanın Sankt-Peterburq şəhərində Novruz bayramına həsr olunmuş tədbir keçirilib.
Azərbaycan Humanitar Əməkdaşlıq Mərkəzi və “Simurq” Azərbaycan Gəncləri Assosiasiyasının birgə təşkilatçılığı ilə baş tutan bayram tədbirində soydaşlarımız və müxtəlif icmaların milli-mədəni mərkəzlərinin münayəndələri iştirak ediblər.
Tədbir Azərbaycan Respublikasının və Rusiya Federasiyasının Dövlət himnlərinin səsləndirilməsi ilə başlayıb.
Tədbir iştirakçılarını salamlayan Azərbaycan Humanitar Əməkdaşlıq Mərkəzinin direktoru Eldar Əlizadə, mərkəzin sədri Nicat Bayramlı və “Simurq” Azərbaycan Gəncləri Assosiasiyasının sədri Fuad Məmmədov soydaşlarımızı bayram münasibətilə təbrik ediblər.
Tədbirdə çıxış edən Azərbaycanın Sankt-Peterburqdakı Baş konsulluğunun humanitar məsələlər üzrə konsulu Rəhim Rəhimzadə, Sankt-Peterburqda millətlərarası münasibətlər və miqrasiya siyasətinin həyata keçirilməsi üzrə komitənin baş mütəxəssisi Aleksey Açkasov, Sankt-Peterburqda insan hüquqları üzrə müvəkkilin müşaviri Konstantin Şarıgin, Sankt-Peterburqun gənclər parlamentinin nümayəndəsi Andrey Tereşenko, siyasi elmlər namizədi Babək Əsədov bayram münasibətilə xoş arzularını bildiriblər.
Sonra Novruzun qəhrəmanlarının, müğənnilərin və folklor qruplarının ifasında milli mahnı və rəqslərdən ibarət rəngarəng konsert proqramı, əyləncəli oyunlar təqdim edilib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/sankt-peterburqda-novruz-bayrami-qeyd-edilib-2704