Misirli qonaqlar Azərbaycanda səfərdədirlər
2024
Misirli qonaqlar Azərbaycanda səfərdədirlər
Azərbaycan xalqının Ümummilli Lideri Heydər Əliyevin anadan olmasının 100 illiyi münasibətilə 2023-cü ildə Misirdə Azərbaycan Respublikasının Diasporla İş üzrə Dövlət Komitəsi və Misir-Azərbaycan Dostluq Cəmiyyətinin birgə keçirdiyi müsabiqələrin təşkilatçı və qalibləri Azərbaycanda səfərdədirlər.
Komitənin dəstəyilə təşkil olunan, 5-9 may tarixini əhatə edəcək səfərin məqsədi Misir Ərəb Respublikası ilə Azərbaycan Respublikası arasında əlaqələrin möhkəmləndirilməsi, misirli gənclərin Vətənimizin qədim tarixi, zəngin mədəniyyəti ilə yaxından tanışlığıdır.
Qeyd edək ki, səfər çərçivəsində misirli qonaqlar Şuşa şəhərində olublar. Ermənilər tərəfindən Şuşa şəhərində törədilmiş vandalizm aktlarını pisləyən misirli qonaqlara hazırkı mövcud vəziyyət haqqında məlumat verilib, aparılan sürətli bərpa və yenidənqurma işləri göstərilib. Daha sonra qonaqlar Gəncə qapıları, “Güllələnmiş heykəllər” abidəsini, Cıdır Düzünü, Yuxarı Gövhər Ağa məscidini ziyarət ediblər.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/misirli-qonaqlar-azerbaycanda-seferdedirler-4626