Meranodakı icmamız İtaliya ictimaiyyətini təbrik edib
2023
Meranodakı icmamız İtaliya ictimaiyyətini təbrik edib
İtaliyada fəaliyyət göstrən “ECN Mədəniyyət Assosiasiyası” Merano şəhərində yaşayan Azərbaycan icması adından İtaliya hökumətini və ictimaiyyətini 2 İyun – Respublika Günü münasibətilə təbrik edib.
“ECN Mədəniyyət Assosiasiyası”nın sədri Mehriban Ağayevanın imzası ilə müxtəlif dövlət qurumlarına və siyasi partiyalara ünvanlanın təbrik məktubunda bildirilib ki, Merano şəhərində yaşayan soydaşlarımız ikinci vətənlərinə çevrilmiş İtaliyada öz milli kimliklərini dinc və təhlükəsiz şəraitdə ifadə edə bilirlər. Eyni zamanda daha firavan iqtisadiyyat və həyat qurmağa çalışır, hamının mənsub olacağı və fəxr edə biləcəyi gələcək inklüziv cəmiyyət quruculuğunda fəal iştirak edirlər.
“Biz öz ənənəvi üslubumuzda söz, ibadət azadlığı və yaşamaq azadlığına malik müstəqil, tolerant xalqın və cəmiyyətin bir hissəsi olmaqdan qürur duyuruq” – deyə təbrikdə bildirilir.
dostların arasında bunu ilk tövsiyyə edən sən ol
DIGƏR XƏBƏRLƏR
Kaynak:https://diaspor.gov.az/az/news-detail/meranodaki-icmamiz-italiya-ictimaiyyetini-tebrik-edib-3056