Könüllülər diaspor nümayəndələri ilə görüşüb
, 2024
Könüllülər diaspor nümayəndələri ilə görüşüb
Azərbaycan Respublikasının Diasporla İş üzrə Dövlət Komitəsində “Azərbaycan Diaspor Könüllüləri” Proqramı çərçivəsində diaspor nümayəndələri ilə görüş keçirilib.
Görüşdə Niderland-Belçika Azərbaycanlıları Koordinasiya Şurasının üzvü, “Beynəlxalq Azərbaycan Xanımları Klubunun” (İnternational Azerbaijani Ladies Club) təsisçisi və rəhbəri Kəmalə Cəlilova, “Ana Vətən” Avropa Azərbaycanlı Qadınlar Birliyinin sədri, Niderland-Belçika Azərbaycanlıları Koordinasiya Şurasının əlaqələndiricisi Mayisə Ağamirzəyeva, Polşa Respublikasında fəaliyyət göstərən “Xarı Bülbül” Dünya Azərbaycanlılarının Mədəniyyət Assosiasiyasının sədri, Polşa Azərbaycanlıları Koordinasiya Şurasının Krakov üzrə əlaqələndiricisi Sedat Şamilli və Şərqi Avropa Azərbaycanlıları Koordinasiya Şurasının Çexiya üzrə koordinatoru, Çex-Azərbaycan Birliyinin üzvü Fərid Əmirəliyev iştirak edib. Onlar yaşadıqları ölkələr və öz fəaliyyətləri barədə ətraflı məlumat verib, zəngin təcrübələrini bölüşüblər. İnteraktiv şəkildə keçən görüşdə xaricdə təhsil, qrant proqramları, diaspor quruculuğu, karyera planlaması, təşkilatlanma, həmin ölkələrin nüfuzlu ali məktəbləri barədə ətraflı fikir mübadiləsi aparılıb, slaydlar nümayiş olub.
Diaspor nümayəndələri dövlətimizin ərazi bütövlüyünün bərpasında istər ölkəmizdə, istərsə də onun hüdudlarından kənarda yaşayan gənclərin rolundan bəhs edib, gənclərdə vətənpərvərlik ruhunun formalaşdırılması üçün görülən işləri müsbət qiymətləndiriblər. Diaspor könüllülərinin müxtəlif mövzularda ünvanlandırdığı suallar qonaqlar tərəfindən cavablandırılıb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/konulluler-diaspor-numayendeleri-ile-gorusub-4708