Komitə sədri Ontario parlamentinin üzvləri ilə görüşüb
, 2023
Komitə sədri Ontario parlamentinin üzvləri ilə görüşüb
Kanadaya səfər çərçivəsində Diasporla İş üzrə Dövlət Komitəsinin sədri Fuad Muradovun Ontario parlamentinin deputatları Françesko Sorbara, Anna Roberts və Maykl Tibollo ilə görüşü olub, onlarla müxtəlif mövzularda müzakirələr aparılıb.
Cənubi Qafqazın lider dövləti olan müasir Azərbaycanın multikulturalizm ənənələrinə malik olduğu, Ermənistanın işğalına son qoyduqdan sonra yeni inkişaf mərhələsinə qədəm qoyduğu deputatların nəzərinə çatdırılıb. Kanadalı deputatlar Torontoda açılacaq Azərbaycan Evini mütləq ziyarət edəcəklərini qeyd edib, bundan sonra da bizi irəliyə aparacaq inkişafa hədəflənməli olduğumuzu söyləyiblər.
Komitə sədri Ontario parlamentinin spikeri Ted Arnottla da görüşüb. Görüşdən öncə spiker Diasporla İş üzrə Dövlət Komitəsinin sədri və əməkdaşlarını parlament üzvlərinə təqdim edib və səfərləri barədə qısa məlumat verib.
Səmimi görüşə görə təşəkkür edən komitə sədri Kanadaya səfərin məqsədləri barədə ətraflı məlumat verib. Qeyd edib ki, səfər çərçivəsində Azərbaycan icması ilə görüşün təşkili, soydaşlarımızın fəaliyyəti ilə tanışlıq, gələcək planların müzakirəsi, Azərbaycan Evinin açılış mərasiminin keçirilməsi və yeni layihələri dəstəkləməklə bağlı qarşılıqlı müzakirələrin aparılması nəzərdə tutulur.
Dünyanın 70-dən çox ölkəsində 50 milyona yaxın azərbaycanlının yaşaması, Komitənin Azərbaycan Prezidentinin tövsiyələri əsasında xaricdəki icmalarımızla, o cümlədən Kanadada yaşayan soydaşlarımızla sıx əlaqə saxlaması və onların təşkilatlanması istiqamətində atılan addımlar diqqətə çatdırılıb.
Görüşlərdə iştirak edən “Vətən” Azərbaycan İncəsənət və Mədəniyyət Mərkəzinin sədri Lalin Həsənova rəhbərlik etdiyi təşkilat haqqında danışıb, Torontoda açılacaq Azərbaycan Evinin missiyası ilə bağlı ətraflı məlumat verib.
Ontario parlamentində keçirilən görüşlərdə gələcək əməkdaşlığa dair bir sıra digər məsələlərlə bağlı fikir mübadiləsi aparılıb, təkliflər səsləndirilib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/komite-sedri-ontario-parlamentinin-uzvleri-ile-gorusub-2740