Kanadanın Recayna şəhərində Həmrəylik Günü qeyd edilib
, 2023
Kanadanın Recayna şəhərində Həmrəylik Günü qeyd edilib
Kanadanın Saskaçevan əyalətinin Recayna (Regina) şəhərində Dünya Azərbaycanlılarının Həmrəylik Günü və Yeni il münasibətilə bayram şənliyi keçirilib.
Recayna Azərbaycanlıları Mədəniyyət Assosiasiyasının təşkilatçılığı ilə baş tutan tədbirdə Kanada parlamentinin, Saskaçevan əyalətinin Qanunvericilik Assambleyasının (MLA), Recayna şəhər şurasının, Recayna Miqrant Qadınlar Mərkəzinin nümayəndələri və soydaşlarımız iştirak ediblər. Qonaqlar arasinda MLA üzvləri Jared Klark, Nur Burki, Nikol Sarauer, Recayna Şəhər Şurasının müşaviri Endryu Stivens, Recayna Miqrant Qadınlar Mərkəzinin icraçı direktoru Nilu Saçdev olub.
Recayna Azərbaycanlıları Mədəniyyət Assosiasiyasının rəhbəri Rəna Fərəcovanın moderatorluğu ilə baş tutan tədbirdə Kanada parlamentinin deputatı Maykl Kram və MLA üzvü Meara Convey çıxış ediblər. Deputatlar soydaşlarımızı bayramlar münasibətilə təbrik ediblər, Azərbaycan icmasının şəhərin və əyalətin mədəni müxtəlifliyinə bəxş etdikləri töhfələri yüksək qiymətləndirib, xoş arzularını ifadə ediblər.
Bədii hissədə milli geyimli azərbaycanlı uşaqların ifasında şeirlər və mahnılar səsləndirilib, rəqslər təqdim olunub.
Tədbir çərçivəsində Azərbaycanın tarixini, coğrafiyasını, zəngin mədəni irsini və milli mətbəxini əks etdirən nümunələr nümayiş etdirilib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/kanadanin-recayna-seherinde-hemreylik-gunu-qeyd-edilib-3978