Boksçumuz məşhur soydaşımızın adını daşıyan beynəlxalq turnirin qalibi olub
2022
Boksçumuz məşhur soydaşımızın adını daşıyan beynəlxalq turnirin qalibi olub
Almaniyada təsis olunmuş Diaspor Boks Liqasının (DBL) boksçusu Surət Qarayev Rusiyanın Xantı-Mansiysk şəhərində böyük uğur qazanıb.
Soydaşımız Qərbi Sibirin Tümen vilayətinin nəhəng neft və qaz yataqlarını kəşf etmiş məşhur azərbaycanlı geoloq, Xantı-Mansisysk şəhərinin fəxri vətəndaşı Fərman Salmanovun xatirəsinə həsr olunmuş beynəlxalq boks turnirində iştirak edib.
26 ölkə idmançılarının müxtəlif çəkilərdə gərgin mübarizə apardığı yarış zamanı Surət Qarayev bütün rəqibləri üzərində üstünlük əldə edib. Ölkəmizin üçrəngli bayrağını başı üzərinə qaldıran qalib soydaşımıza turnirin kuboku təqdim olunub və Azərbaycanın Dövlət Himni səsləndirilib.
DBL-in təsisçisi Yaşar Niftəliyev Millinits bu xoş hadisəni liqaya gətirilən ilk uğur kimi qiymətləndirib.
Qeyd edək ki, DBL-in təşəbbüsü ilə idmançılarımız Surət Hüseynov və Kənan Hüseynəliyev Almaniyanın “Pelk Boxgym” təşkilatı ilə müqavilə imzalayıb.
Diasporla İş üzrə Dövlət Komitəsi bu qələbə münasibətilə Surət Hüseynovu və liqanı təbrik edir, bundan sonra da davamlı uğurlar əldə etməyi arzulayır.
FOTO QALEREYA
dostların arasında bunu ilk tövsiyyə edən sən ol
kaynak:http://diaspor.gov.az/az/news-detail/bokscumuz-meshur-soydasimizin-adini-dasiyan-beynelxalq-turnirin-qalibi-olub-2080