Boksçu soydaşlarımız Almaniyanın nüfuzlu boks təşkilatı ilə müqavilələr imzalayıb
2022
Boksçu soydaşlarımız Almaniyanın nüfuzlu boks təşkilatı ilə müqavilələr imzalayıb
Almaniyada fəaliyyət göstərən Diaspora Boks Liqası (DBL) alman idman təşkilatlari ilə müqavilələr imzalanması və yerli televiziyalarla əməkdaşlıq istiqamətində ilk addımını atıb.
DBL-in təsisçisi Yaşar Niftəliyev Millinits bildirib ki, artıq iki idmançımız – Surət Qarayev və Kənan Hüseynəliyev “Pelk Boxgym” təşkilatı ilə müqavilə imzalayıblar. İdmançılarımız bu təşkilatın Vaysver şəhərindəki idman arenasında məşq edəcəklər.
Bundan başqa, DBL idmançılarımızın fəaliyyətini işıqlandırmaq üçün Almaniyanın MDR telekanalı ilə danışıqlar aparır.
Qeyd edək ki, DBL azərbaycanlı boksçuları bir araya gətirib, onları vahid platformada birləşdirmək, dünya arenalarına çıxarmaq, Vətənimizi layiqincə təmsiil etmək və diaspor fəaliyyətini gücləndirmək məqsədilə yaradılıb.
Almaniyanın Maqdeburq şəhərində yaşayan Yaşar Niftəliyev Millinits həm də bu ölkədə yaratdığı Heydər Əliyev adına Dünya Boks Komitəsinə rəhbərlik edir.
dostların arasında bunu ilk tövsiyyə edən sən ol
kaynak:http://diaspor.gov.az/az/news-detail/bokscu-soydaslarimiz-almaniyanin-nufuzlu-boks-teskilati-ile-muqavileler-imzalayib-2010