Azərbaycan Texasın Plano şəhərində keçirilən beynəlxalq festivalda təmsil olunub
, 2023
Azərbaycan Texasın Plano şəhərində keçirilən beynəlxalq festivalda təmsil olunub
ABŞ-nin Texas ştatının Plano şəhərində keçirilən XX Beynəlxalq multikultural festivalda Azərbaycan ikinci dəfə təmsil olunub.
Müxtəlif xalqların mədəniyyətlərinin, adət-ənənələrinin və milli mətbəxlərinin təbliği məqsədilə təşkil edilən beynəlxalq festivalda Avropa, Asiya və Latın Amerikası ölkələrinin nümayəndələri iştirak ediblər.
Texas ştatının Dallas şəhərində yaşayan Azərbaycan icmasının fəalları Dürdanə Balakişiyeva, Züleyxa Əsədova, Ləman Hendriks və digər həmyerlilərimizin təşkil etdiyi Azərbaycan guşəsində ölkəmizin qədim tarixini, zəngin mədəniyyətini, turizm potensialını və adət-ənənələrini əks etdirən kitablar, suvenirlər, milli geyimlər, mətbəx nümunələri nümayiş etdirilib. Kitabların arasında dahi Azərbaycan şairi və mütəfəkkiri Nizami Gəncəvinin ingilis dilində nəşr olunmuş “Sirlər xəzinəsi” poeması da olub.
Festivalın əyləncəli proqramı çərçivəsində təşkil edilən Beynəlxalq Dəb Şousunda Azərbaycan əsilli tanınmış rəqqasə Ləman Hendriks, milli balet və rəqslərimizin ifaçısı Vivyen Bennett çıxış ediblər. Onların ifasında “Naz eləmə”, “Qaval”, “Yüz biri” rəqsləri və görkəmli Azərbaycan bəstəkarı Fikrət Əmirovun “Min bir gecə” baletindən parça təqdim edilib. Festival iştirakçıları və amerikalılar milli rəqslərimizin və geyimlərimizin təqdimatını heyranlıqla izləyiblər.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/azerbaycan-texasin-piano-seherindeki-beynelxalq-festivalda-temsil-olunub-3688