Azərbaycan Minnesotanın Golden Valley şəhərindəki festivalda təbliğ edilib
, 2023
Azərbaycan Minnesotanın Golden Valley şəhərindəki festivalda təbliğ edilib
Amerikanın Minnesota ştatında fəaliyyət göstərən icmamız Golden Valley (Qızıl Vadi) şəhərində keçirilən mədəniyyət festivalında Azərbaycanı təmsil edib.
Minnesota-Azərbaycan Assosiasiyasının rəhbəri Günel Krişnanın təşkilatçılığı ilə festivalda yaradılmış Azərbaycan guşəsində ölkəmizin qədim tarixini, zəngin mədəniyyətini, adət-ənənələrini, eləcə də “Azerbaijan Socks” brendini əks etdirən nümunələr nümayiş etdirilib.
Azərbaycan güşəsi ilə maraqlanan ziyarətçilərə ölkəmiz barədə ətraflı məlumat verilib və broşürlər paylanılıb. Eyni zamanda Günel Krişnan yerli TV-lərə müsahibəsində Azərbaycan barədə ətraflı məlumat verib, Minnesota-Azərbaycan Assosiasiyasının festivalda iştirakından danışıb.
Festivalın konsert hissəsində ABŞ-da yaşayan azərbaycanlı rəqqasə Ləman Hendriksin ifasında milli rəqslərimiz, türk icmasının fəalı, Azərbaycan sevdalısı, həkim Orxan Ucerin sazda və gitarada ifasında Azərbaycan xalq mahnıları təqdim edilib. Yerli sakinlər həm Ləman Hendriksin, həm də Orxan Ucerin çıxışlarını maraqla və alqışlarla qarşılayıblar.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/azerbaycan-minnesotanin-golden-valley-seherindeki-festivalda-teblig-edilib-3377