Almaniyada Ulu Öndər Heydər Əliyevin 101-ci doğum günü və Naxçıvan Muxtar Respublikasının 100 illiyi ilə əlaqədar idman yarışları keçirilib
, 2024
Almaniyada Ulu Öndər Heydər Əliyevin 101-ci doğum günü və Naxçıvan Muxtar Respublikasının 100 illiyi ilə əlaqədar idman yarışları keçirilib
3-4 may tarixində Almaniyanın Maqdeburq (Barleben) şəhərində Ulu Öndər Heydər Əliyevin doğum gününə və Naxçıvan Muxtar Respublikasının 100 illiyinə həsr olunmuş, uşaq və böyüklərin iştirak etdiyi həftəsonu silsilə idman festivalı keçirilib.
Festival Maqdeburq şəhərində təsis olunmuş, Heydər Əliyev adına Boks Komitəsi, Diaspora Boks Liqasının təşkilatçılığı, Diasporla İş üzrə Dövlət Komitəsini dəstəyi ilə ərsəyə gəlib. İdmançıların müxtəlif növlərdə öz məharətlərini göstərdiyi, bunlarla yanaşı əyləncəli oyunların keçirildiyi, rəqs qruplarının çıxış etdiyi festivalı 1200 nəfər tamaşaçı böyük maraqla izləyib. Festivalda Diaspora Boks Liqasının 30 boksçusu iştirak edib. Fərqlənən idmançılara və iştirakçılara medallar təqdim olunub.
Festivalın təşkilində məqsəd Ulu Öndərin idmanla bağlı tövsiyələrinə əməl edilməsi, dünyanın müxtəlif ölkələrində yaşayan azərbaycanlı, eləcə də digər xalqların idmançı nümayəndələri ilə əlaqələrin qurulması, üçrəngli bayrağımızın dünya arenalarında dalğalandırılması, Ümummilli Liderin adını daşıyan Dünya Boks Komitəsinin dünyanın bu sahədə aparıcı 5 təşkilatından biri olmasıdır.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/almaniyada-ulu-onder-heyder-eliyevin-101-ci-dogum-gunu-ve-naxcivan-muxtar-respublikasinin-100-illiyi-ile-elaqedar-idman-yarislari-kecirilib-4619