Nantdakı “Qarabağ” Azərbaycan məktəbində 20 Yanvar şəhidləri yad edilib
, 2023
Nantdakı “Qarabağ” Azərbaycan məktəbində 20 Yanvar şəhidləri yad edilib
Fransanın Nant şəhərində fəaliyyət göstərən “Qarabağ” həftəsonu Azərbaycan
məktəbindəki növbəti dərsin mövzusu 20 Yanvar faciəsinin 33-cü ildönümünə həsr olunub.
Öncə şagirdlər Azərbaycanın azadlığı və müstəqilliyi uğrunda canlarından keçmiş 20 Yanvar şəhidlərinin xatirəsini yad ediblər. Daha sonra onlara 20 Yanvar həqiqətləri, xalqımızın milli azadlıq mücadiləsi barədə ətraflı məlumat verilib. Sovet imperiyasının Bakıda törətdiyi qanlı qırğın zamanı günahsız, dinc insanların, o cümlədən məktəblilərin və tələbələrin də həlak olduğu, həmin dövrdən qərənfil gülünün 20 Yanvar faciəsinin rəmzinə çevrildiyi bildirilib. Xalqımızın sovet rejiminin amansız qətliamından sarsılmadığı, qısa müddət sonra dövlət müstəqilliyinin bərqərar edilməsinə, 44 günlük Vətən müharibəsi dövründə Qarabağın işğaldan qurtulmasına nail olmaqla 20 Yanvar şəhidlərinin ruhunu şad etdiyi vurğulanıb. 20 Yanvar faciəsindən 33 il ötməsinə baxmayaraq, xalqımızın və dünya azərbaycanlılarının bu qanlı tarixi unutmadığı da diqqətə çatdırılıb.
Sonda 20 Yanvar faciəsindən bəhs edən film nümayiş etdirilib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/nantdaki-qarabag-azerbaycan-mektebinde-20-yanvar-sehidleri-yad-edilib-2234