Komitə əməkdaşları “Türküstan” media holdinqinin baş direktoru ilə görüşüblər
, 2023
Komitə əməkdaşları “Türküstan” media holdinqinin baş direktoru ilə görüşüblər
Qazaxıstanın Türkistan vilayətinə ezamiyyət çərçivəsində Diasporla İş üzrə Dövlət Komitəsinin əməkdaşları “Türkistan” media holdinqinin fəaliyyəti ilə tanış olublar.
Qonaqları salamlayan holdinqin baş direktoru Janaxmet Aqıbayev rəhbərlik etdiyi media qurumunun fəaliyyəti barədə ətraflı məlumat verib. Nəzərə çatdırıb ki, bu ilin əvvəlindən “Türkistan” telekanalında yayımlanan “Turan Today” xəbərlər proqramının Azərbaycan dilində xidməti fəaliyyətə başlayıb.
Sonra Azərbaycan dilində verilişlərin sayının artırılması, “Türkistan” TV ilə Azərbaycan TV-ləri arasında birgə layihələrin həyata keçirilməsi ilə bağlı fikir mübadiləsi aparılıb.
Görüşün sonunda baş direktor qonaqlara Türküstandan bəhs edən kitablar hədiyyə edib.
Görüşdə Türküstan vilayətində fəaliyyət göstərən “Qarabağ” Azərbaycan Etnomədəni Birliyinin sədri Ramilə Mustafayeva və “Türkistan” TV-nin “Turan Today” xəbərlər proqramının Azərbaycan xidmətinin aparıcısı Elvin Həsənov da iştirak ediblər.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/komite-emekdaslari-turkustan-media-holdinqinin-bas-direktoru-ile-gorusubler-2612