Köln şəhərində boks turniri təşkil edilib
2024
Köln şəhərində boks turniri təşkil edilib
Almaniyanın Köln şəhərində Heydər Əliyev adına Dünya Boks Komitəsinin və Diaspor Boks Liqasının “Dəmir Yumruq” adlı boks turniri keçirilib.
Heydər Əliyev adına Dünya Boks Komitəsinin və Diaspor Boks Liqasının təşkilatçılığı ilə baş tutan tədbirdə müxtəlif klubların və millətlərin idmançıları ilə yanaşı, Almaniyada yaşayan 10-a yaxın azərbaycanlı gənc idmançı da iştirak edib.
Almaniya və Azərbaycanın dövlət himnlərinin səsləndirilməsi ilə başlayan turnirdə “Fight Club Stolz” klubunun gənc idmançıları İzzət Aslanov klublar arasında Almaniya çempionu, Məhəmməd Nəsibov isə yeniyetmələr arasında Şimali Reyn-Vestfaliya əyaləti üzrə çempionu titulunu qazanıb.
Qalibləri təbrik edən Dünya Boks Komitəsinin və Diaspor Boks Liqasının rəhbəri, Almaniya Azərbaycanlıları Alyansının İdarə Heyətinin üzvü Yaşar Niftəliyev bildirib ki, yaxın günlərdə ölkəmiz yeni tarixi hadisənin şahidi olacaq. O, Almaniyada yaşayan və səsvermə hüququ olan Azərbaycan vətəndaşlarını 7 fevralda keçiriləcək növbədənkənar Prezident seçkilərində fəal iştiraka, Qarabağdakı qələbəmizin rəmzinə çevrilmiş “Dəmir Yumruğ”a dəstək nümayiş etdirməyə dəvət edib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
Kaynak:https://diaspor.gov.az/az/news-detail/koln-seherinde-boks-turniri-teskil-edilib-4189