İcma üzvlərimiz Türkiyə Dövlət Teatrlarının baş direktoru Tamer Karadağlı ilə görüşüb
, 2023
İcma üzvlərimiz Türkiyə Dövlət Teatrlarının baş direktoru Tamer Karadağlı ilə görüşüb
Türkiyədə fəaliyyət göstərən Türkiyə-Azərbaycan Dərnəkləri Federasiyasının (TADEF) təşəbbüsü ilə bir qrup soydaşımız Türkiyə Dövlət Teatrlarının baş direktoru, Azərbaycan əsilli məşhur türkiyəli sənətçi Tamer Karadağlı ilə görüşüb.
Görüşdə TADEF-in İdarə Heyətinin üzvləri ilə yanaşı, Azərbaycanın xalq artisti Azərin, İstanbul bələdiyyəsinə bağlı Şəhər Teatrları bədii rəhbərinin müavini, Azərbaycanın əməkdar incəsənət xadimi Məlahət Abbasova, iş adamı Hidayət Qulam da iştirak ediblər.
TADEF sədrinin müşaviri Pərviz Məmmədzadə soydaşlarımız adından bu vəzifəyə seçilməsi münasibətilə baş direktoru təbrik edib, tanınmış sənətçiyə uğurlar arzulayıb. Türkiyə Prezidenti Rəcəb Tayyib Ərdoğanın bu təyinatının iki qardaş ölkənin teatr sahəsindəki əməkdaşlığı istiqamətində yeni səhifənin açılması baxımından mühüm rol oynayacağını vurğulayıb və baş direktoru Azərbaycana dəvət edib.
Bu ziyarət üçün məmnunluğunu ifadə edən Tamer Karadağlı teatr sahəsində Azərbaycanla qarşılıqlı layihələr həyata keçirilməsinin böyük əhəmiyyət kəsb etdiyini bildirib. Baş direktor vəzifəsində ilk xarici səfərini ən yaxın zamanda Azərbaycana edəcəyinə söz verib.
Görüş xatirə hədiyyələrinin təqdim edilməsi və xatirə şəklinin çəkilməsi ilə yekunlaşıb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/icma-uzvlerimiz-turkiye-dovlet-teatrlarinin-bas-direktoru-tamer-karadagli-ile-gorusub-3613