yəhudi – Gazete Hollywood https://gazetehollywood.com Tue, 08 Aug 2023 04:37:31 +0000 tr hourly 1 https://gazetehollywood.com/wp-content/uploads/2025/03/cropped-gazete-hollwood-32x32.webp yəhudi – Gazete Hollywood https://gazetehollywood.com 32 32 Torontodakı Azərbaycan Evində türkiyəli diplomatla vida görüşü təşkil edilib https://gazetehollywood.com/torontodaki-az%c9%99rbaycan-evind%c9%99-turkiy%c9%99li-diplomatla-vida-gorusu-t%c9%99skil-edilib-h48306.html Tue, 08 Aug 2023 04:37:31 +0000 https://1453kralmedya.com/torontodaki-az%c9%99rbaycan-evind%c9%99-turkiy%c9%99li-diplomatla-vida-gorusu-t%c9%99skil-edilib-h48306.html

 

 

 

Torontodakı Azərbaycan Evində türkiyəli diplomatla vida görüşü təşkil edilib

 

2023

 

 

 

Torontodakı Azərbaycan Evində türkiyəli diplomatla vida görüşü təşkil edilib

 

 

 

Kanadanın Toronto şəhərində yerləşən Azərbaycan Evində qardaş Türkiyənin Baş konsulu Sinem Minganın səlahiyyətinin başa çatması və Ankaraya dönüşü münasibətilə tədbir keçirilib.

Tədbirdə Rumıniya, Bolqarıstan, Argentina, Albaniya, Ukraynanın Baş konsulları, Macaristan Baş konsulluğunun, yəhudi və Azərbaycan icmalarının nümayəndələri iştirak ediblər.

 

 

 

 

Ontario parlamentinin keçmiş üzvü, Multikulturalizm və vətəndaşlıq məsələləri üzrə sabiq nazir, York Universitetinin siyasi elmlər üzrə professoru Toni Ruprextin moderatorluğu ilə baş tutan tədbirdə Azərbaycan Evinin rəhbəri, “Vətən” Azərbaycan İncəsənət və Mədəniyyət Mərkəzinin sədri Lalin Həsənova, dünya şöhrətli azərbaycanlı alim, Azərbaycanın əməkdar elm xadimi, Humboldt və “Fields İnstitute Fellows” mükafatları laureatı Məsud Əfəndiyev çıxış ediblər.

 

 

 

Azərbaycanın multukultural ənənələrindən, Azərbaycan-Türkiyə dostluq və qardaşlıq münasibətlərindən, Azərbaycan Evində keçirilən tədbirlərdən söz açan natiqlər Türkiyə Baş konsulluğunun Kanadada həm ölkəsini layiqincə təmsil etdiyinə, həm də Sinem xanımın simasında Azərbaycan icmasına bəslənən doğma münasibətə diqqəti cəlb ediblər. Diplomatik fəaliyyətini Ankarada davam etdirəcək, fədakar əməyi və Azərbaycan sevgisi ilə seçilən Sinem xanımın dönüşü Türkiyə diplomasiyası üçün böyük üstünlük adlandırılıb və Sinem xanıma bundan sonrakı karyerasında uğurlar arzu edilib.

Müasir Azərbaycan dövlətinin qurucusu, ulu öndər Heydər Əliyevin “bir millət, iki dövlət” fikrini və Prezident İlham Əliyevin “Mən dəfələrlə demişəm ki, bu gün dünyada Türkiyə və Azərbaycan qədər bir-birinə yaxın və bağlı olan ölkələr yoxdur” fikrini xatırladan professor Məsud Əfəndiyev çıxışını Azərbaycanın və türk dünyasının görkəmli şairi Bəxtiyar Vahabzadənin “Azərbaycan-Türkiyə” şeirindəki “Ana yurdda yuva qurdum, ata yurda könül verdim, Ana yurdum, ata yurdum – Azərbaycan-Türkiyə” misraları ilə yekunlaşdırıb.

 

 

 

 

Baş konsul Sinem Mingan ona göstərilən bu diqqət və hörmət üçün qardaş Azərbaycan dövlətinə, Torontodakı Azərbaycan Evinə və bütün görüş iştirakçılarına minnətdarlığını bildirib.

Azərbaycan Evinin adından Sinem xanıma xatirə hədiyyələri təqdim edilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/torontodaki-azerbaycan-evinde-turkiyeli-diplomatla-vida-gorusu-teskil-edilib-3313

 

 

]]> “Leylanın skripkası” filminin rejissoru olan yəhudi əsilli yazıçı “Eurovision Book” müsabiqəsində Azərbaycanı təmsil edib https://gazetehollywood.com/leylanin-skripkasi-filminin-rejissoru-olan-y%c9%99hudi-%c9%99silli-yazici-eurovision-book-musabiq%c9%99sind%c9%99-az%c9%99rbaycani-t%c9%99msil-edib-h46737.html Thu, 22 Jun 2023 15:16:55 +0000 https://1453kralmedya.com/leylanin-skripkasi-filminin-rejissoru-olan-y%c9%99hudi-%c9%99silli-yazici-eurovision-book-musabiq%c9%99sind%c9%99-az%c9%99rbaycani-t%c9%99msil-edib-h46737.html

“Leylanın skripkası” filminin rejissoru olan yəhudi əsilli yazıçı “Eurovision Book” müsabiqəsində Azərbaycanı təmsil edib
, 2023

 

 

“Leylanın skripkası” filminin rejissoru olan yəhudi əsilli yazıçı “Eurovision Book” müsabiqəsində Azərbaycanı təmsil edib

 

 

ABŞ-da yaşayan yəhudi əsilli musiqiçi, bəstəkar və yazıçı Ella Leya “The Orphan Sky” (“Kimsəsiz səma”) adlı kitabı ilə “Eurovision Book” müsabiqəsində Azərbaycanı təmsil edib.

 

 

 

“Hay Festival of Literature & Arts” illik ədəbiyyat festivalının xüsusi layihəsi olan “Eurovision Book” müsabiqəsi Uelsdə 25 may – 4 iyun tarixlərində keçirilib. Bu layihə Avropanın ən parlaq ədəbiyyatından bəhs etmək məqsədilə təşkil olunub. Müsabiqənin yeganə şərtinə görə, kitablar 1956-cı ildən (“Eurovision” mahnı müsabiqəsinin keçirildiyi ilk il) öncə nəşr olunmamalıdır. Müsabiqə çərçivəsində “Eurovision song contest-2023”də iştirak edən 37 ölkədən minlərlə oxucu arasında sorğu keçirilib. Oxucular istənilən janrda və istənilən dildə yazılmış sevimli bədii əsərlərini seçiblər.

Ella Leya bildirib ki, münsiflərin qərarına əsasən, onun əsəri seçilmiş kitablar siyahısına daxil edilib. “Kitabım “Eurovision Book” müsabiqəsində Azərbaycanı təmsil etmək üçün seçilib. Mən həqiqətən təsirləndim…”, – deyə Ella Leya bu xoş xəbərlə bağlı təəssüratlarını bölüşüb.

 

 

 

 

“The Orphan Sky” romanı 2015-ci ildə çap olunub. Real hadisələr əsasında yazılmış əsərdə sovet Azərbaycanında yaşadığı dövrdə istedadlı gənc pianoçu Leyla Bədəlbəylinin həyat və yaradıcılıq yolunda qarşılaşdığı çətinliklərdən bəhs edilib. Müəllif sovet rejiminin doğurduğu paranoyalı və qapalı həyat tərzi həqiqətlərini məharətlə, eyni zamanda soyuq müharibə dövrünün casus fantastikasının pərəstişkarlarını əyləndirəcək şəkildə qələmə alıb. Bu əsər Cavidan Ağayevin orijinaldan Azərbaycan dilinə tərcüməsində “Kimsəsiz səma” adı ilə nəşr olunub. Kitabın redaktorları Etimad Başkeçid və Salam Sarvandır.

Azərbaycanda Ella Leya həm də rejissoru olduğu “Leylanın skripkası” qısametrajlı bədii filmi ilə tanınır. Diasporla İş üzrə Dövlət Komitəsinin dəstəyi ilə film İngiltərə paytaxtının tarixi məkanlarından biri olan “Regent Street Cinema”da təqdim olunub.

Bu film Monako Film Festivalında “Mələk” (“Angel”) mükafatının qalibi olub.

 

 

 

 

 

Xatırladaq ki, Azərbaycan-ABŞ bəstəkarı, musiqiçisi və yazıçısı kimi tanınan Ella Leya Bakı şəhərində doğulub. 1990-cı ildə ABŞ-a mühacirət edərək, bu ölkədə məskunlaşıb. “Qadınların sirli həyatı”, “Gecə kraliçası” və digər albomları olan sənətçinin əsərləri Hollivudun müxtəlif məşhur filmlərində səsləndirilməkdədir.

https://www.hayfestival.com/eurovision-book-contest/

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/leylanin-skripkasi-filminin-rejissoru-olan-yehudi-esilli-yazici-eurovision-book-musabiqesinde-azerbaycani-temsil-edib-3130

]]> Meyn ştatında yəhudi və müsəlman icmaları bir araya gəlib https://gazetehollywood.com/meyn-statinda-y%c9%99hudi-v%c9%99-mus%c9%99lman-icmalari-bir-araya-g%c9%99lib-h43674.html Wed, 19 Apr 2023 07:09:59 +0000 https://1453kralmedya.com/meyn-statinda-y%c9%99hudi-v%c9%99-mus%c9%99lman-icmalari-bir-araya-g%c9%99lib-h43674.html

 

 

 

Meyn ştatında yəhudi və müsəlman icmaları bir araya gəlib
2023
Meyn ştatında yəhudi və müsəlman icmaları bir araya gəlib

ABŞ-ın Meyn ştatının Portlend şəhərində yaşayan Azərbaycan icması müsəlman və yəhudi cəmiyyətlərinin Ramazan ayı və Şabbat günü münasibətilə təşkil etdikləri tədbirdə fəal iştirak edib.

Meyn Azərbaycanlıları Cəmiyyətinin rəhbəri Tərlan Əhmədov bildirib ki, tədbirdə ştatın qubernatoru Canet Mills, Baş prokuroru Aaron Frey, dövlət katibi Şenna Bellouz, Nümayəndələr Palatasının nümayəndələri, Portlend, Banqor və Biddeford şəhərlərinin şura üzvləri (City Concilman/woman), müxtəlif etnik azlıqları və dini konfessiyaları təmsil edən 150-dək qonaq iştirak edib.

 

 

 

Onun sözlərinə görə, Meyn ştatının tarixində ilk dəfə baş tutan əlamətdar hadisə zamanı Ramazan və Şabbat barədə məlumat verilib, qonaqlar birlikdə dualar edib, şamlar yandırıb, günəş batandan sonra iftar açıblar və ənənəvi musiqini dinləyiblər. “Dinlərarası dialoqun və mədəniyyətlərin oxşarlığı tematikasına həsr olunmuş bu tədbiri dəstəkləməklə Meyn Azərbaycanlıları Cəmiyyəti millətimizə xas olan müxtəlifliyin qorunması, daxiletmə və inklusiv cəmıyyətlərin ınkışafında müstəsna rol oynamağa calışır”, – deyə Tərlan Əhmədov əlavə edib.

Tədbir iştirakçıları azərbaycanlı iş adamı Hidayət Abbaszadənin təşkil etdiyi Azərbaycan guşəsində nümayiş etdirilən milli mətbəx nümunələrimizi və məhsullarımızı yüksək qiymətləndiriblər. Azərbaycanın tarixi, zəngin mədəniyyəti və multikultural dəyərləri haqqında qonaqlara məlumat verilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/meyn-statinda-yehudi-ve-muselman-icmalari-bir-araya-gelib-2795

 

 

]]>