rəssam – Gazete Hollywood

Komitədə tanınmış rəssam Rövşən Nur ilə görüş olub

Abdullah Yiğit — Mon, 27 May 2024 12:31:27 +0000

Komitədə tanınmış rəssam Rövşən Nur ilə görüş olub
, 2024
Komitədə tanınmış rəssam Rövşən Nur ilə görüş olub

Diasporla İş üzrə Dövlət Komitəsinin sədri Fuad Muradov Estoniyada fəaliyyət göstərən “Buta Art Studio” Azərbaycan Yaradıcılıq Mərkəzinin sədri, tanınmış rəssam Rövşən Nur (Quliyev) ilə görüşüb. Görüşdə Ümummilli Lider Heydər Əliyevin Rövşən Nur tərəfindən çəkilmiş portreti Komitə sədrinə təqdim edilib. Rövşən Nur gələcək fəaliyyəti ilə bağlı məlumat verib.

Qeyd edək ki, Diasporla İş üzrə Dövlət Komitəsi ilə sıx əməkdaşlıq edən tanınmış rəssam tez-tez Azərbaycanın mədəniyyəti və irsi ilə bağlı müxtəlif ölkələrdə sərgi və tədbirlər keçirir. İştirakçılar Azərbaycanın mədəniyyəti, incəsənəti və adət-ənənələri ilə yaxından tanış olurlar. Belə sərgilərdən biri də cari ilin aprel ayında Vaşinqtonda keçirilmiş “Azərbaycan naxışları”dır. Sərgidə Azərbaycanın zəngin mədəni irsini tərənnüm edən nümunələr yer alıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komitede-taninmis-ressam-rovsen-nur-ile-gorus-olub-4729

Azərbaycanlı rəssam Qazaxıstandakı beynəlxalq simpoziumda ölkəmizi təmsil edib

Abdullah Yiğit — Thu, 07 Sep 2023 16:50:41 +0000

Azərbaycanlı rəssam Qazaxıstandakı beynəlxalq simpoziumda ölkəmizi təmsil edib

, 2023

Azərbaycanlı rəssam Qazaxıstandakı beynəlxalq simpoziumda ölkəmizi təmsil edib

Fransadakı Azərbaycan icmasının fəal üzvü, Azərbaycan Rəssamlıq Akademiyasının dosenti, əməkdar rəssam Əsmər Nərimanbəyova Qazaxıstanda keçirilmiş “Botay – Böyük çölün mədəniyyəti” adlı rəssamların II Beynəlxalq simpoziumda iştirak edib.

Simpoziumda dünyanın doqquz ölkəsini təmsil edən 20 rəssam regionun tarixi-mədəni irsi ilə tanış olub, yeniyetmələr üçün ustad dərsləri keçib, “Botay” Respublika Dövlət Muzey-Qoruğunun və Ayırtau rayonunun Şalkar-İmantau kurort zonasının ərazisindəki plenerə qatılıb.

Əsmər Nərimanbəyova bildirib ki, çox maraqlı və dolğun proqrama malik tədbirin ilk həftəsində rəssamlar təbiətin qoynunda işləyiblər, ikinci həftə isə işi Petropavlovskda və emalatxanalarda davam etdiriblər. Simpozium çərçivəsində müxtəlif üslubda yaradılan yüzdən çox rəsm əsəri hesabat sərgisində nümayiş etdirilib.

Onun fikrincə, bu cür simpoziumlar gözəl təşəbbüsdür, çünki dünyanın müxtəlif ölkələrindən olan rəssamlar bir məkanda görüşə, ünsiyyət qura, təcrübə mübadiləsi apara bilirlər. “On beş gün ərzində mən hesabat sərgisi üçün 6 rəsm əsəri çəkdim. Eyni zamanda, biz uşaq evlərində ustad dərsləri keçdik. Bu çox gözəl, müsbət prosesdir. Uşaqlar rəsm əsərlərini bizimlə birlikdə çəkirdilər. Mən uzun kağız rulon üzərində birlikdə rəsm çəkmək ideyasını irəli sürdüm. Biz bu təcrübəni vidalaşmadan öncəki son gün özümüz təkrar etdik— hazır kompozisiyaya elementlər əlavə etdik”, – deyə rəssam əlavə edib.

Qeyd edək ki, təkcə Azərbaycanda deyil, ölkə hüdudlarından kənarda da tanınan Əsmər Nərimanbəyova xalq rəssamı Toğrul Nərimanbəyovun və əməkdar rəssam, heykəltaraş Elmira Hüseynovanın övladıdır. 1996-cı ildən Fransada yaşayıb-yaradan Əsmər Nərimanbəyova diaspor fəaliyyəti ilə də məşğul olur. O, Parisdə fəaliyyət göstərən “Natəvan” Azərbaycan həftəsonu məktəbində rəsm dərsini tədris edir.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/azerbaycanli-ressam-qazaxistandaki-beynelxalq-simpoziumda-olkemizi-temsil-edib-3433

Ər-Riyadda keçirilən sərgidə azərbaycanlı rəssamın əsərləri təqdim olunub

Abdullah Yiğit — Tue, 07 Mar 2023 08:05:57 +0000

Ər-Riyadda keçirilən sərgidə azərbaycanlı rəssamın əsərləri təqdim olunub
, 2023
Ər-Riyadda keçirilən sərgidə azərbaycanlı rəssamın əsərləri təqdim olunub

Səudiyyə Ərəbistanı Krallığının paytaxtı Ər-Riyadda keçirilən rəsm sərgisində ilk dəfə olaraq azərbaycanlı rəssam Aynur Paşayevanın əsərləri nümayiş etdirilib.

Şahzadə Mişaal bin Məhəmməd bin Səud bin Əbdüləzizin himayəsi ilə “Vision 2030” proqramı çərçivəsində gerçəkləşdirilən sərgidə Səudiyyə Ərəbistanı, Əlcəzair, Bəhreyn, Livan, İraq, Azərbaycan və digər ölkələrdən olan rəssamların əsərləri təqdim edilib.

Sərginin açılış mərasimində Azərbaycanın Səudiyyə Ərəbistanındakı səfirliyinin əməkdaşlari, Ər-Riyadda akkreditə olunmuş diplomatik korpusun, yerli ictimaiyyətin nümayəndələri və bu ölkədə yaşayan soydaşlarımız iştirak ediblər.

Mərasim iştirakçıları və ziyarətçilər rəssam Aynur Paşayevanın əsərlərini böyük rəğbətlə qarşılayıblar.

Əsərləri maraq doğuran rəssamlara, o cümlədən Aynur Paşayevaya fəxri fərman və xatirə hədiyyələri təqdim edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/er-riyadda-kecirilen-sergide-azerbaycanli-ressamin-eserleri-teqdim-olunub-2556