Helsinki şəhərində “Qərbi azərbaycanlılara qarşı soyqırımı və deportasiya cinayətləri” adlı tədbir keçirilib
22 aprel, 2024

 

 

Helsinki şəhərində “Qərbi azərbaycanlılara qarşı soyqırımı və deportasiya cinayətləri” adlı tədbir keçirilib
📌 https://t.co/wttr0UUOQU pic.twitter.com/Z2toc6rql5

— Azerbaijani Diaspora (@DiasporaAz) April 22, 2024

 

Helsinki şəhərində “Qərbi azərbaycanlılara qarşı soyqırımı və deportasiya cinayətləri” adlı tədbir keçirilib
Aprelin 20-də Azərbaycan Respublikasının Diasporla İş üzrə Dövlət Komitəsinin dəstəyi və Finlandiyanın Helsinki şəhərində fəaliyyət göstərən Helsinki Azərbaycan Evinin təşkilatçılığı ilə Finlandiyanın paytaxtı Helsinki şəhərindəki “Azərbaycan Evi”ndə “Qərbi azərbaycanlılara qarşı soyqırımı və deportasiya cinayətləri” adlı tədbir keçirilib, “İZ” sənədli filmi nümayiş olunub. Tədbirdə Finlandiyada yaşayan həmvətənlərimizlə yanaşı Türkiyə, Rusiya, İngiltərə, Almaniya, Moldova, Qazaxıstan, Gürcüstan, Ukrayna icmalarının nümayəndələri, Cənubi Azərbaycandan olan soydaşlar və Azərbaycan Respublikasının İsveç Krallığındakı Səfirliyinin əməkdaşları iştirak ediblər.

Tədbirin əvvəlində Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib. Tədbiri giriş sözü ilə açan Helsinkidəki “Azərbaycan Evi”nin rəhbəri Ülviyyə Cabbarova qonaqları salamlayıb və azərbaycanlıların öz ata-baba yurdlarından, Qərbi Azərbaycandan deportasiyaya məruz qalmaları ilə bağlı həqiqətləri tədbir iştirakçılarının diqqətinə çatdırıb. Tədbirə Helsinki və London Cambridge Universitetindən elm adamlarının iştirakının Azərbaycan həqiqətlərinin öyrənilməsi və təbliğində böyük əhəmiyyət daşıdığını bildirib.

“Əlil Qadınlar Cəmiyyəti”nin sədri Məhluqə Qaramanlı çıxışında bir əsrdə ermənilər tərəfindən Azərbaycan xalqına qarşı 4 dəfə soyqırımı həyata keçirdiyini vurğulayıb. Soyqırımı nəticəsində indiki Ermənistan ərazisində, Qərbi Azərbaycanda bir nəfər belə olsun azərbaycanlının qalmadığını söyləyib.

Daha sonra söz alan “İZ” sənədli filminin ssenari müəllifi, tarix üzrə fəlsəfə doktoru Mahir Qəribov bir çox ölkələrin Azərbaycan həqiqətlərini görməzdən gəlməsinə baxmayaraq, dövlət başçısı, müzəffər Ali Baş Komandan İlham Əliyevin rəhbərliyi ilə xalqımızın özünün tarixi ədaləti bərpa etdiyini deyib. Qədim Azərbaycan torpağı olan Qərbi Azərbaycanda mövcud olan mədəniyyət abidələrinin ermənilər tərəfindən mərhələli şəkildə məhv edilməsini, azərbaycanlıların soyqırıma məruz qalmasını tarixi faktlarla tədbir iştirakçılarının diqqətinə çatdırıb. Layihə üzrə köməkçi Firuzə Babayevanın filmin hazırlanması və yayılmasında gördüyü işlərdən danışıb.

Tədbir “İZ” sənədli filminin nümayişi ilə davam edib. Filmdən sonra əslən Gəncədən olan, Helsinki şəhərində yaşayan gənc fəal Mona “Sarı Gəlin” və “Gündüz-gecə” mahnılarını səsləndirib.

Sonda tədbir iştirakçıları Avropada belə tədbir və təqdimatların keçirilməsinin vacibliyini vurğulayıblar.

FOTO QALEREYA

 

 

Helsinki şəhərində “Qərbi azərbaycanlılara qarşı soyqırımı və deportasiya cinayətləri” adlı tədbir keçirilib
📌 https://t.co/wttr0UUOQU pic.twitter.com/Z2toc6rql5

— Azerbaijani Diaspora (@DiasporaAz) April 22, 2024

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/helsinki-seherinde-qerbi-azerbaycanlilara-qarsi-soyqirimi-ve-deportasiya-cinayetleri-adli-tedbir-kecirilib-4569

Komitə əməkdaşları Qazaxıstanda yaşayan Qərbi azərbaycanlılarla görüşüb

, 2024

 

 

Komitə əməkdaşları Qazaxıstanda yaşayan Qərbi azərbaycanlılarla görüşüb
📌https://t.co/bQgdsIIm1h pic.twitter.com/UedAGRTbYf

— Azerbaijani Diaspora (@DiasporaAz) April 20, 2024

 

Komitə əməkdaşları Qazaxıstanda yaşayan Qərbi azərbaycanlılarla görüşüb

Diasporla İş üzrə Dövlət Komitəsinin əməkdaşları Qazaxıstana səfər çərçivəsində Almatının İliyskiy qəsəbəsinin Kokkaynar kəndində Qərbi azərbaycanlılarla görüşüblər. Söhbət zamanı kənd sakinləri 1936-1937-ci illərdə Amasya rayonundan Qazaxıstana sürgün edilən nəsillərin davamçıları olduqlarını qeyd ediblər.

Uzun illərdir Qazaxıstanda məskunlaşan həmvətənlərimiz qazax xalqı ilə dost, səmimi qardaşlıq münasibətində yaşadıqlarını, iki ölkə arasında münasibətlərin inkişafına töhfə verməyə daim hazır olduqlarını deyiblər. Yerli cəmiyyətə yaxşı inteqrasiya olunduqlarını vurğulayan soydaşlarımız hazırda övladlarının Qazaxıstanın ali məktəblərində təhsil aldığını, dövlət müəssisələrində çalışdıqlarını diqqətə çatdırıblar.

Qərbi Azərbaycandan olan soydaşlarımız bir gün tarixi vətənlərini görmək arzusunu dilə gətirib, yaşadıqları bölgədə Azərbaycan xalqının milli-mənəvi dəyərlərinə, adət-ənənələrinə daim sadiq qaldıqlarını, tarixi günlərimizi, bayramlarımızı qeyd etdiklərini, bu dəyərləri gələcək nəsillərə ötürmək üçün maarifləndirici tədbirlər həyata keçirdiklərini bildiriblər.

FOTO QALEREYA

 

 

Komitə əməkdaşları Qazaxıstanda yaşayan Qərbi azərbaycanlılarla görüşüb
📌https://t.co/bQgdsIIm1h pic.twitter.com/UedAGRTbYf

— Azerbaijani Diaspora (@DiasporaAz) April 20, 2024

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komite-emekdaslari-qazaxistanda-yasayan-qerbi-azerbaycanlilarla-gorusub-4564

 

Özbəkistanda Qərbi Azərbaycana həsr olunmuş fotosərgi və “Nəsil ağacı” sənədli filminin təqdimatı keçirilib
2024

 

Özbəkistanda Qərbi Azərbaycana həsr olunmuş fotosərgi və “Nəsil ağacı” sənədli filminin təqdimatı keçirilib
📌 https://t.co/0NO8IVcGLh pic.twitter.com/UuVQykgQPS

— Azerbaijani Diaspora (@DiasporaAz) March 12, 2024

 

 

Özbəkistanda Qərbi Azərbaycana həsr olunmuş fotosərgi və “Nəsil ağacı” sənədli filminin təqdimatı keçirilib
Özbəkistandakı Heydər Əliyev adına Azərbaycan Mədəniyyət Mərkəzində “Azərbaycan xalqının Qərbi Azərbaycanda yaratdığı mədəni irs və abidələr” adlı fotosərgi və “Nəsil ağacı” sənədli filminin təqdimatı baş tutub.

Tədbirdə Özbəkistanda yaşayan azərbaycanlılar, Qərbi Azərbaycan icmasının təmsilçiləri, qardaş ölkənin mədəniyyət, təhsil, ictimaiyyət xadimləri, universitetlərin tələbələri iştirak ediblər.

Azərbaycan Mədəniyyət Mərkəzinin foyesində təşkil edilmiş “Azərbaycan xalqının Qərbi Azərbaycanda yaratdığı mədəni irs və abidələr” adlı fotosərgidə Qərbi Azərbaycan ərazisində Azərbaycanın tarixi abidələrinə, İrəvan, Göyçə, Zəngəzur, Dərələyəz və s. mahallarda xalqımız tərəfindən yaradılan mədəni irs nümunələrə aid fotolar nümayiş olunub.

Tədbiri giriş sözü ilə açan Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov əzəli Azərbaycan torpaqları olan Qərbi Azərbaycan ərazilərində xalqımızın min illərlə yaratdığı böyük mədəniyyət və mədəni irs nümunələri haqqında danışıb, onların öz yurd yerlərindən qovulmasını tarixi ədalətsizlik adlandırıb. O, soydaşlarımızın gec-tez öz doğma yurdlarına qayıdacağına inamını da ifadə edib.Qərbi azərbaycanlıların doğma torpaqlarına qayıdışına həsr olunan “Nəsil ağacı” sənədli filminin yaradıcı heyəti adından çıxış edən ssenari müəllifi Ayaz Mirzəyev və prodüser Elnur Niftəliyev tədbirin təşkilinə görə Heydər Əliyev adına Azərbaycan Mədəniyyət Mərkəzinə minnətdarlıqlarını bildiriblər.

Daha sonra “Nəsil ağacı” sənədli filmi nümayiş olunub. Film Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilən “Vətənimizə qayıtmaq istəyirik” adlı sənədli film layihəsi çərçivəsində “Azərbaycan Jurnalistlər Şəbəkəsi” İctimai Birliyi tərəfindən hazırlanıb. Filmdə Qərbi Azərbaycanın qədim tarixindən, etnoqrafiyasından, mətbəxindən, tanınmış şəxsiyyətlərindən və yaralı insan talelərindən bəhs edilir, XX əsrdə öz yurdlarından – hazırkı Ermənistan ərazisindən 4 dəfə kütləvi deportasiyaya məruz qalan azərbaycanlı əhalinin çətin və faciəli həyatı öz əksini tapır.

Sonda çıxış edən Özbəkistanda yaşayan Qərbi Azərbaycandan olan icma nümayəndələri azərbaycanlıların öz doğulduqları ata-baba yurdlarına qayıtmalarının onların haqları və hüquqları olduğunu qeyd edərək, Vətən torpaqlarına qayıdışa inandıqlarını söyləyiblər.

FOTO QALEREYA

 

 

Özbəkistanda Qərbi Azərbaycana həsr olunmuş fotosərgi və “Nəsil ağacı” sənədli filminin təqdimatı keçirilib
📌 https://t.co/0NO8IVcGLh pic.twitter.com/UuVQykgQPS

— Azerbaijani Diaspora (@DiasporaAz) March 12, 2024

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/ozbekistanda-qerbi-azerbaycana-hesr-olunmus-fotosergi-ve-nesil-agaci-senedli-filminin-teqdimati-kecirilib-4379