Nizami Gəncəvi – Gazete Hollywood https://gazetehollywood.com Wed, 07 Jun 2023 12:02:39 +0000 tr hourly 1 https://gazetehollywood.com/wp-content/uploads/2025/03/cropped-gazete-hollwood-32x32.webp Nizami Gəncəvi – Gazete Hollywood https://gazetehollywood.com 32 32 Osloda gənc soydaşımızın “Sən elə bir zirvəsən” adlı kitabı təqdim edilib https://gazetehollywood.com/osloda-g%c9%99nc-soydasimizin-s%c9%99n-el%c9%99-bir-zirv%c9%99s%c9%99n-adli-kitabi-t%c9%99qdim-edilib-h46200.html Wed, 07 Jun 2023 12:02:39 +0000 https://1453kralmedya.com/osloda-g%c9%99nc-soydasimizin-s%c9%99n-el%c9%99-bir-zirv%c9%99s%c9%99n-adli-kitabi-t%c9%99qdim-edilib-h46200.html

 

 

 

Osloda gənc soydaşımızın “Sən elə bir zirvəsən” adlı kitabı təqdim edilib
, 2023
Osloda gənc soydaşımızın “Sən elə bir zirvəsən” adlı kitabı təqdim edilib

 

 

Norveçin paytaxtı Osloda fəaliyyət göstərən Nizami Gəncəvi adına həftəsonu Azərbaycan dili məktəbinin şagirdi Səlim Abbaszadənin yeni işıq üzü görən “Sən elə bir zirvəsən” adlı kitabının təqdimat mərasimi keçirilib.

Diasporla İş üzrə Dövlət Komitəsinin dəstəyi və Nizami Gəncəvi adına həftəsonu Azərbaycan dili məktəbinin təşkilatçılığı ilə paytaxtın “Deichman Bjorvika” kitabxanasında baş tutan tədbirdə Azərbaycan icmasının və yerli ictimaiyyətin nümayəndələri iştirak ediblər.

 

 

 

Təqdimatda çıxış edən Səlim Abbaszadə “Sən elə bir zirvəsən” adlı kitabını 28 May – Müstəqillik Gününə və ümummili lider Heydər Əliyevin 100 illik yubileyinə həsr etdiyini bildirib. Azərbaycan, Qarabağ, xalqımızın tarixi, mədəni irsi və tarixi şəxsiyyətləri mövzularında rəsmlər çəkdiyini vurğulayan gənc müəllif kitabın yaranma ideyasından söz açıb. Bildirib ki, doğma məkəbinin dəstəyilə 2022-ci ildə Oslodakı sərgidə iştirak edərkən ziyarətçilərin onun rəsm əsərlərinə, xüsusilə də Şuşa qalasının, Gövhər Ağa məscidinin təsvir olunduğu rəsmlərə böyük maraq göstərdiyini görüb. Hər kəsin bu rəsmləri görməsi məqsədilə rəsmlərinin kitab halında nəşr olunmasını istəyib.

 

 

 

 

O, kitabın çap olunmasını və təqdimatının keçirilməsini böyük hədiyyə, tanınmış Azərbaycan şairi, əməkdar incəsənət xadimi Baba Vəziroğlu tərəfindən kitabın təqdim olunmasını ikiqat sevinc adlandırıb. Nəşrin ərsəyə gəlməsində əməyi olanlara minnətdarlığını ifadə edən müəllif bu addımın ona yeni əsərlər yaratmağa stimul verəcəyini, yaxın gələcəkdə kitabın Norveç dilində də nəşr olunacağını diqqətə çatdırıb.

Tədbirdə çıxış edən Baba Vəziroğlu və icma üzvləri gənc soydaşımızı bu uğur münasibətilə təbrik ediblər və ona xoş arzularını bildiriblər.

“Sən elə bir zirvəsən” kitabı filologiya üzrə fəlsəfə doktoru, “Azərbaycan dili” dərsliklərinin müəllifi Xanım Qasımovanın, Nizami Gəncəvi adına həftəsonu Azərbaycan dili məktəbinin koordinatoru Günay Əliyevanın və şair Baba Vəziroğlunun dəstəyi ilə işıq üzü görüb. Müəllifin 2023-cü ilin aprel ayınadək çəkdiyi rəsm əsərlərinin toplandığı kitabda məktəbin fəaliyyəti haqqında da foto-məlumatlar yer alıb.

Qeyd edək ki, bu, S.Abbaszadənin ikinci kitabıdır. Gənc soydaşımızın “Nagorno Karabakh” adlı ilk kitabı 44 günlük Vətən müharibəsi dövründə Norveç dilində çap edilib. Kitab Qarabağın tarixi, Ermənistan tərəfindən işğalı və işğaldan azadlıq dövrünü özündə əks etdirir. Kitabın illustrasiyalarını da müəllif özü çəkib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/osloda-genc-soydasimizin-sen-ele-bir-zirvesen-adli-kitabi-teqdim-edilib-3066

 

 

]]> Kazanda Nizami Gəncəviyə həsr olunmuş simpozium təşkil edilib https://gazetehollywood.com/kazanda-nizami-g%c9%99nc%c9%99viy%c9%99-h%c9%99sr-olunmus-simpozium-t%c9%99skil-edilib-h42306.html Tue, 21 Mar 2023 08:17:18 +0000 https://1453kralmedya.com/kazanda-nizami-g%c9%99nc%c9%99viy%c9%99-h%c9%99sr-olunmus-simpozium-t%c9%99skil-edilib-h42306.html

 

 

 

Kazanda Nizami Gəncəviyə həsr olunmuş simpozium təşkil edilib
, 2023
Kazanda Nizami Gəncəviyə həsr olunmuş simpozium təşkil edilib
Rusiya Federasiyası Tatarıstan Respublikasının Kazan şəhərində “Nizami Gəncəvi və türk dünyası” mövzusunda simpozium keçirilib.

“Tatarıstan Respublikası Azərbaycan Milli-Mədəni Muxtariyyəti” regional ictimai təşkilatının və Tatarıstan Xalqlar Məclisi Kazan (Privoljsk) Federal Universitetinin (KFU) birgə təşkilatçılığı ilə baş tutan tədbirdə Azərbaycan diasporunun fəalları, universitetin müəllim-tələbə heyəti iştirak edib.

Tədbir iştirakçılarını salamlayan “Tatarıstan Respublikası Azərbaycan Milli-Mədəni Muxtariyyəti” regional ictimai təşkilatının İdarə Heyətinin sədri Bəhram Mustafayev Azərbaycanın dahi şairi və mütəffəkkiri Nizami Gəncəvinin həyat və fəaliyyətindən, dünya ədəbiyyatına töhfələrindən və türk dünyası ilə əlaqələrindən danışıb.

Sonra Filologiya və Mədəniyyətlərarası Kommunikasiya İnstitutunun direktoru, Rusiya Təhsil Akademiyasının müxbir üzvü, filologiya elmləri doktoru, professor Radif Zamaletdinov, Milli Mədəniyyət və Təhsil üzrə Ali Məktəbin dekanı, pedaqoji elmlər namizədi, dosent Ramil Mirzəqitov, KFU-nun Ümumi dilçilik və türkşünaslıq kafedrasının professoru, filologiya elmləri doktoru Əlfiya Yusupova, KFU-nun tatar ədəbiyyatı kafedrasının professoru, filologiya elmləri doktoru, Tatarıstan Respublikasının əməkdar elm xadimi Xatip Minnequlov qüdrətli söz ustadının türk dünyasında rolu barədə məruzələrlə çıxış ediblər.

İnternet bağlantısı ilə tədbirə İstanbuldakı Mərmərə Universitetinin dosenti Mehdi Gəncəvi, Azərbaycan Dövlət Pedaqoji Universitetinin beynəlxalq məsələlər üzrə prorektoru Mahirə Hüseynova qoşulublar. Tədbirdə həmçinin Azərbaycan diasporunun üzvü, texniki elmlər namizədi, ixtiraçı Elman Nərimanov da çıxış edib. Onlar türk ədəbiyyatının təşəkkülündə Nizami Gəncəvinin mühüm roluna diqqəti cəlb ediblər.

Tədbirin sonunda KFU-nun tələbələri və “Tatarıstan Respublikası Azərbaycan Milli-Mədəni Muxtariyyəti” regional ictimai təşkilatının gənclər qanadının fəalları dahi şairin qəzəllərini səsləndiriblər.

Tatarıstanın diaspor təşkilatı adından Kazan Federal Universitetinin kitabxanasına Nizami Gəncəvinin ölməz “Xəmsə”si hədiyyə edilib.

Simpozium Tatarıstan və Azərbaycan KİV-ləri tərəfindən geniş işıqlandırılıb.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/kazanda-nizami-genceviye-hesr-olunmus-simpozium-teskil-edilib-2610

 

 

 

]]> Tanınmış tarzən Oslodakı Nizami Gəncəvi adına Azərbaycan həftəsonu məktəbinin qonağı olub https://gazetehollywood.com/taninmis-tarz%c9%99n-oslodaki-nizami-g%c9%99nc%c9%99vi-adina-az%c9%99rbaycan-h%c9%99ft%c9%99sonu-m%c9%99kt%c9%99binin-qonagi-olub-h42274.html Mon, 20 Mar 2023 06:07:00 +0000 https://1453kralmedya.com/taninmis-tarz%c9%99n-oslodaki-nizami-g%c9%99nc%c9%99vi-adina-az%c9%99rbaycan-h%c9%99ft%c9%99sonu-m%c9%99kt%c9%99binin-qonagi-olub-h42274.html

 

 

 

Tanınmış tarzən Oslodakı Nizami Gəncəvi adına Azərbaycan həftəsonu məktəbinin qonağı olub
, 2023
Tanınmış tarzən Oslodakı Nizami Gəncəvi adına Azərbaycan həftəsonu məktəbinin qonağı olub

Norveçə səfəri çərçivəsində Azərbaycanın əməkdar artisti, Prezident təqaüdçüsü, beynəlxalq müsabiqələr və “Tərəqqi” medalı laureatı, tarzən Sahib Paşazadə paytaxt Osloda fəaliyyət göstərən Nizami Gəncəvi adına Azərbaycan həftəsonu məktəbini ziyarət edib.

Qonağa məktəbin Diasporla İş üzrə Dövlət Komitəsinin dəstəyi ilə Norveç Azərbaycanlı Gənclər Təşkilatının (NAYO) nəzdində fəaliyyət göstərdiyi, şagirdlərin Azərbaycan dilinə, ədəbiyyatına, musiqi və rəsm dərslərinə, Azərbaycan bəstəkarlarının əsərlərinə, milli musiqi alətlərinə böyük maraq göstərdikləri barədə ətraflı məlumat verilib.

Tanınmış tarzən Azərbaycan diasporunun uzaq Norveçdə böyüyən uşaqlarımızın doğma dilimizi mənimsəməsi, tariximizə, mədəniyyətimizə bələd olması ilə bağlı həyata keçirdiyi bu layihəni yüksək qiymətləndirib, tarda Azərbaycan muğamından bir parça ifa edib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/taninmis-tarzen-oslodaki-nizami-gencevi-adina-azerbaycan-heftesonu-mektebinin-qonagi-olub-2611

 

 

]]> Moskvadakı Nizami Gəncəvi adına Azərbaycan ədəbiyyatı auditoriyasında ədəbi-bədii gecə təşkil edilib https://gazetehollywood.com/moskvadaki-nizami-g%c9%99nc%c9%99vi-adina-az%c9%99rbaycan-%c9%99d%c9%99biyyati-auditoriyasinda-%c9%99d%c9%99bi-b%c9%99dii-gec%c9%99-t%c9%99skil-edilib-h40575.html Tue, 07 Feb 2023 05:20:45 +0000 https://1453kralmedya.com/moskvadaki-nizami-g%c9%99nc%c9%99vi-adina-az%c9%99rbaycan-%c9%99d%c9%99biyyati-auditoriyasinda-%c9%99d%c9%99bi-b%c9%99dii-gec%c9%99-t%c9%99skil-edilib-h40575.html

 

 

 

 

Moskvadakı Nizami Gəncəvi adına Azərbaycan ədəbiyyatı auditoriyasında ədəbi-bədii gecə təşkil edilib

, 2023
Moskvadakı Nizami Gəncəvi adına Azərbaycan ədəbiyyatı auditoriyasında ədəbi-bədii gecə təşkil edilib
Rusiya Xalqlar Dostluğu Universitetinin Filologiya fakültəsinin Nizami Gəncəvi adına Azərbaycan ədəbiyyatı auditoriyasında müxtəlif xalqların böyük şairlərinin şeirlərinə həsr olunmuş “Şeirlər – dostluq körpüsü” adlı ədəbi-bədii gecə keçirilib.

Tədbir RUDN Universitetinin Filologiya fakültəsinin dəstəyi və universitetin “Dostluq” Azərbaycan Tələbələri İcmasının təşkilatçılığı ilə baş tutub.

Tədbir iştirakçılarını salamlayan filologiya fakültəsinin dosenti Anar Həsənov bildirib ki, ədəbiyyat millətlərarası münasibətlərə təsir edən mühüm sahədir. “Biz müxtəlif platformalarda xalqların ədəbi əlaqələri haqqında daha çox danışmalıyıq. Çünki bu, millətlərarası harmoniyanı birləşdirir və möhkəmləndirir. Sizin ədəbi gecəniz də bu uca məqsədə xidmət edir”.

Sonra Beynəlxalq Yazıçılar və Publisistlər Assosiasiyasının üzvü, şairə Afaq Şıxlı, Humanitar-ictimai elmlər fakültəsinin baş müəllimi Mirmehdi Ağazadə, RUDN “Dostluq” Azərbaycan Tələbələri İcmasının rəhbəri, Tibb Universitetinin II kurs tələbəsi Hüseyn Cəfərov çıxış ediblər.

Qeyd edilib ki, Azərbaycan ədəbiyyatını təbliğ edən tələbələr hər zaman Moskvadakı azərbaycanlı yazıçıların və filoloqların dəstəyinə arxalana bilərlər. “Vətənini, xalqını, mədəniyyətini həqiqətən tanıyan, bunu hiss edən, həyatının hər gününü xalqın və ölkənin taleyi ilə bağlayan tələbələrə genişmiqyaslı dəstək göstərilməlidir. Bu, onların, sözün yaxşı mənasında, öz ölkələrinin müdafiəçiləri və natiqləri olmaları üçün mühüm amildir”, – deyə Afaq Şıxlı vurğulayıb.

Tədbir ədəbiyyatın müasir dünyada universal dostluq dili kimi əhəmiyyəti barədə fikir mübadiləsinin aparılması ilə davam edib. “Dostluq” Azərbaycan tələbələri icmasının nümayəndələri Azərbaycan ədəbiyyatına, xüsusilə də qüdrətli söz ustadı Nizami Gəncəvinin yaradıcılığına dair fikirlərini nəzərə çatdırıblar.

Tələbələrin ifasında Azərbaycan və rus dillərində Nizami Gəncəvinin, İmadəddin Nəsiminin, Səməd Vurğunun və Aleksandr Puşkinin şeirləri səsləndirilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/moskvadaki-nizami-gencevi-adina-azerbaycan-edebiyyati-auditoriyasinda-edebi-bedii-gece-teskil-edilib-2327

 

 

 

]]>