Türkiyənin Malatya bölgəsinə növbəti humanitar yardım göndərilib

2024

 

 

 

Türkiyənin Malatya bölgəsinə növbəti humanitar yardım göndərilib
📌 https://t.co/7mnqUoi5tw pic.twitter.com/9FSqeGWftC

— Azerbaijani Diaspora (@DiasporaAz) April 3, 2024

Türkiyənin Malatya bölgəsinə növbəti humanitar yardım göndərilib

Azərbaycan Diasporuna Dəstək Fondu Türkiyənin Malatya bölgəsinə növbəti humanitar yardım göndərib. İçində ərzaq məhsulları olan 2000 qutudan ibarət 1 ədəd TIR Malatya bölgəsinə yola salınıb. Humanitar yardımın aprelin 7-də Malatyaya çatması gözlənilir. Humanitar yardımın tərkibi Türkiyə Respublikasının Azərbaycan Respublikasındakı səfirliyi və AFAD-la birlikdə aparılan müzakirələr nəticəsində müəyyən edilib.

Humanitar yardımın yolasalma mərasimində Azərbaycan Respublikasının Diasporla İş üzrə Dövlət Komitəsi sədrinin birinci müavini Valeh Hacıyev, Türkiyənin Azərbaycandakı Səfirliyinin baş katibi Öncü Günəş, Azərbaycan Diasporuna Dəstək Fondunun sədri Əkrəm Abdullayev və başqaları iştirak edib.

Diasporla İş üzrə Dövlət Komitəsi sədrinin birinci müavini Valeh Hacıyev bildirib ki, Türkiyədə baş verən dəhşətli zəlzələnin ilk saatlarından Azərbaycan dövləti və xalqı qardaş Türkiyənin yanında olub, Prezident cənab İlham Əliyevin göstərişi ilə dərhal zəlzələ bölgəsinə “Biz birlikdə güclüyük!” devizi altında Azərbaycandan xilasedicilər və humanitar yardım karvanları göndərilib.

Öncü Günəş Türkiyə-Azərbaycan dostluq və qardaşlığı münasibətlərinə toxunub, Azərbaycan dövlətinə, onun rəhbərliyinə və xalqına göstərilən dəstəyə görə öz minnətdarlığını bildirib.

Qeyd edək ki, Türkiyənin zəlzələdən ziyan görmüş bölgələrinə ADDF bu günə kimi aşağıdakı yardımları göstərmişdir:

1. 2023-cü ilin aprel ayında Türkiyə-Azərbaycan Dərnəkləri Federasiyası ilə birlikdə Kahramanmaraşda zəlzələdən zərərçəkmiş 2600-dən çox ailəyə ərzaq yardımı;

2. 2023-cü ilin avqust ayında yeni tədris ilinin başlanması səbəbi ilə Hatay və ətraf bölgələrdə 1-ci sinfə gedəcək şagirdlərə dəstək üçün 3000 məktəbli dəstindən ibarət yardım;

3. 2023-cü ilin dekabr ayında Kahramanmaraş bölgəsində havaların kəskin soyuq keçməsi nəzərə alınaraq zəruri ehtiyaclardan ibarət humanitar yardım.

FOTO QALEREYA

 

 

 

Türkiyənin Malatya bölgəsinə növbəti humanitar yardım göndərilib
📌 https://t.co/7mnqUoi5tw pic.twitter.com/9FSqeGWftC

— Azerbaijani Diaspora (@DiasporaAz) April 3, 2024

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/turkiyenin-malatya-bolgesine-novbeti-humanitar-yardim-gonderilib-4502

 

Diasporla İş üzrə Dövlət Komitəsinin Azərbaycan diasporuna müraciəti

19 sentyabr, 2023

Diasporla İş üzrə Dövlət Komitəsinin Azərbaycan diasporuna müraciəti
Əziz həmvətənlər!

Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi ilə müzəffər ordumuzun 2020-ci ildə qısa zamanda üçrəngli bayrağımızı 30 il işğal altında qalan ərazilərimizdə dalğalandırması dünyanın hansı ölkəsində yaşamasından asılı olmayaraq, hər bir azərbaycanlıda qürur və fərəh hissi oyandırdı.

Həmin dövrdə uşaqdan-böyüyə hər bir həmvətənimiz dövlətimizin ərazi bütövlüyünün bərpası uğrunda apardığı ədalətli mübarizəsində Azərbaycan dövlətinə müxtəlif platformalarda dəstək nümayiş etdirdi. Hər bir soydaşımız, həmvətənimiz dövlətimizin, ordumuzun yanında oldu. 44 gün ərzində torpaqlarımızın azad olunması üçün gecə-gündüz əlindən gələni etdi.

Məlumdur ki, keçən dövr ərzində acı məğlubiyyətləri ilə barışa bilməyən terrorçu və işğalçı Ermənistan dövləti mənfur məqsədlərinə nail olmaq üçün bütün insanlığa zidd addımlarla, mülki şəxsləri qəsdən hədəfə almaqla minalama siyasətini həyata keçirir. Azərbaycanın dövlət sərhədləri çərçivəsində erməni silahlı birləşmələrinin həyata keçirdiyi mina terroru nəticəsində mülki şəxslərin və polis əməkdaşlarının həlak olması bunun bariz nümunəsidir. Son bir neçə ayda Azərbaycanın Qarabağ bölgəsindəki Ermənistan silahlı qüvvələrinin birləşmələri tərəfindən Azərbaycan Ordusunun mövqelərinin müxtəlif çaplı silahlardan sistemli şəkildə atəşə tutulması, ərazilərimizin minalanmasının davam etdirilməsi, döyüş mövqelərinin mühəndis işləri ilə təkmilləşdirilməsi, eləcə də səngər və sığınacaqların sayının artırılması gərginliyin artmasına səbəb olmuşdur.

19 sentyabr 2023-cü il tarixində Azərbaycanın müzəffər ordusu üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının Konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlayıb.

Həyata keçirilən antiteror tədbirlərinn böyük narahatlıq keçirən və çıxılmaz vəziyyətə düşən Ermənistan hökumətinin və onun maliyyələşdirdiyi separatçı rejimin Azərbaycan ərazisində, erməni diasporunun isə xarici ölkələrdə həmvətənlərimizə qarşı terror-təxribat və digər pozuculuq aktlarını həyata keçirəcəyi də istisa edilmir. Belə ki, uzun illər dünyanın müxtəlif nöqtələrində qanlı aksiyalar həyata keçirən ASALA terror təşkilatı düşmənin tapşırığı ilə istənilən vaxt, istənilən yerdə qanlı təxribat törədə bilər. Xüsusilə son dövrlər erməni diasporunun aqressivləşdiyini nəzərə alsaq, onların daha çox məskunlaşdığı və Ermənistanın havadarları qismində çıxış edən dövlətlərdə yaşayan soydaşlarımızı təxribatlara uymamağa və ehtiyatlı olmağa səsləyirik.

Qeyd edilənləri nəzərə alaraq, Azərbaycan Respublikasının Diasporla İş üzrə Dövlət Komitəsi sizi bir daha son dərəcədə ehtiyatlı olmağa, şübhəli hallar müşahidə etdiyiniz təqdirdə, yaşadığınız ölkənin hüquq-mühafizə orqanlarına, eləcə də Azərbaycan Respublikasının xarici ölkələrdəki müvafiq qurumlarına və Dövlət Komitəsinə müraciət etməyinizi tövsiyə edir.

 

Qaynar xətt və WhatsApp: +994 50 607 98 36

Email: [email protected]

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/diasporla-is-uzre-dovlet-komitesinin-azerbaycan-diasporuna-muracieti-3473

İsraildəki #Azərbaycan diasporuna ağır itki üz verib

📌 https://t.co/nlkpSZZkWH#AzerbaijaniDiaspora pic.twitter.com/6WArBsvu8E

— Azerbaijani Diaspora (@DiasporaAz) July 17, 2023

 

İsraildə yaşayan tanınmış jurnalist Saveli Perets ömrünün 93-cü ilində dünyasını dəyişib.

📌 https://t.co/YCZWqnQeOb pic.twitter.com/gTg1zSC74A

— Azerbaijani Diaspora (@DiasporaAz) March 9, 2023

 

 

 

İsraildəki Azərbaycan diasporuna ağır itki üz verib
, 2023
İsraildəki Azərbaycan diasporuna ağır itki üz verib
İsraildə yaşayan tanınmış jurnalist Saveli Perets ömrünün 93-cü ilində dünyasını dəyişib.

Azərbaycan Dövlət Universitetini (indiki Bakı Dövlət Universiteti) bitirdikdən sonra Saveli Perets “Literaturnı Azərbaycan” jurnalında, “Bakinski raboçi” qəzetində və “Azərinform” (indiki AzərTAC) Dövlət İnformasiya Agentliyində müxtəlif vəzifələrdə çalışıb. Azərbaycanın əməkdar jurnalisti fəxri adına layiq görülüb.

1990-cı ildən İsrailə köçən jurnalist “Naşa strana” qəzetində çalışmağa başlayıb, sonra “Kruq” jurnalında baş redaktorun müavini vəzifəsinə yüksəlib. “Azİz” İsrail-Azərbaycan Beynəlxalq Assosiasiyasının təsis qurultayına hazırlıq üzrə təşkilat komitəsinin üzvü olub.

Ömrünün sonunadək Azərbaycan və İsrailin rifahı naminə fəaliyyət göstərib, hər iki ölkənin maraqlarını müdafiə edib. Bütün həyatı boyu doğma Bakıya sevgisini saxlayıb və Azərbaycan paytaxtını heyrətamiz hərarətlə xatırlayıb.

Diasporla İş üzrə Dövlət Komitəsi bu ağır itkidən kədərləndiyini bildirir, mərhumun ailə üzvlərinə, “Azİz” İsrail-Azərbaycan Beynəlxalq Assosiasiyasının fəallarına dərin hüznlə başsağlığı verir. Tanınmış jurnalist və səmimi insan Saveli Peretsin xatirəsi onu tanıyanların qəlbində daim yaşayacaq.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/israildeki-azerbaycan-diasporuna-agir-itki-uz-verib-2571

 

 

 

İsraildə yaşayan tanınmış jurnalist Saveli Perets ömrünün 93-cü ilində dünyasını dəyişib.

📌 https://t.co/YCZWqnQeOb pic.twitter.com/gTg1zSC74A

— Azerbaijani Diaspora (@DiasporaAz) March 9, 2023