Çexiya paytaxtında Bakıya həsr olunmuş film təqdim edilib
, 2023
Çexiya paytaxtında Bakıya həsr olunmuş film təqdim edilib
Praqa şəhərində Bakıdan bəhs edən “Beyond the Wall” (“Divarın arxasında”) qısametrajlı filminin təqdimat mərasimi keçirilib.
Mərasimdə Çexiyanın müxtəlif şəhərlərində yaşayan Azərbaycan icmasının, yerli ictimaiyyətin nümayəndələri, Diasporla İş üzrə Dövlət Komitəsinin əməkdaşları və əcnəbi qonaqlar iştirak ediblər.
Öncə filmin həmmüəllifi, Çexiyada yaşayan şairə Leyla Begim Cəfərova digər həmmüəllif – İspaniyada yaşayan soydaşımız Azər Ağalarovla birlikdə ərsəyə gətirdikləri ekran əsərinin yaranma ideyası barədə ətraflı məlumat verib.
Film böyük maraqla qarşılanıb.
Fimin nümayişindən sonra çıxış edən Komitə sədri Fuad Muradov müəllifləri təbrik edib. Xarici ölkələrdə, o cümlədən Çexiyada Azərbaycan mədəniyyətini əks etdirən filmlərin və layihələrin həyata keçirilməsinin önəmindən danışıb. Şərqi Avropa Azərbaycanlılarının Koordinasiya Şurasının Çexiya üzrə koordinatoru olan Leyla Begim Cəfərovanın bu sahədə belə fəallıq göstərməsini təqdirəlayiq hal kimi qiymətləndirib.
Qeyd edək ki, “Beyond the Wall” qısametrajlı film-alleqoriyadır. Müəlliflər baş qəhrəmanın hiss və duyğularını musiqi və mətnlərlə çatdırır və bunu poetik rəmzlər və sürreal bədii obrazlar vasitəsilə həyata keçirirlər. 2020-ci ildə ekran əsəri Nyu-York, Los-Anceles, Çikaqo, Vankuver, Venesuela, İstanbul, Florensiya, Venesiya, Roma və digər şəhərlərdə keçirilmiş beynəlxalq film festivallarında 14 mükafata layiq görülüb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/cexiya-paytaxtinda-bakiya-hesr-olunmus-film-teqdim-edilib-3739