“Azəri Kalqari Ulduzları” Kalqari Avropa Film Festivalının açılış mərasimində ölkəmizi təmsil edib
, 2023
“Azəri Kalqari Ulduzları” Kalqari Avropa Film Festivalının açılış mərasimində ölkəmizi təmsil edib
Kanadada keçirilmiş Kalqari Avropa Film Festivalının açılış mərasimində Alberta-Azərbaycan Mədəniyyət Cəmiyyətinin (ALACS) nəzdində fəaliyyət göstərən “Azəri Kalqari Ulduzları” (Azeri Calgary Stars) rəqs qrupu çıxış edib.
ALACS-ın vitse-prezidenti İradə Şamilova bildirib ki, Kalqarinin Avropa Mədəniyyət Cəmiyyəti tərəfindən 3-12 noyabr 2023-cü il tarixində təşkil olunmuş festivalda 26 Avropa ölkəsi təmsil edilib.
“Festivalın açılış mərasiminə 30 müxtəlif icmanın istedadlı yaradıcı kollektivləri, o cümlədən “Azəri Kalqari Ulduzları” rəqs qrupu dəvət olunub. Rəqs qrupumuz bu tədbirdə Azərbaycanı təmsil etməkdən böyük qürur duyub”, – deyə ALACS-ın vitse-prezidenti vurğulayıb.
Tədbirdə fəal iştirakına görə “Azəri Kalqari Ulduzları” rəqs qrupuna sertifikat təqdim olunub.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/azeri-kalqari-ulduzlari-kalqari-avropa-film-festivalinin-acilis-merasiminde-olkemizi-temsil-edib-3819