Azərbaycanlı pianoçunun Kennedi Mərkəzindəki konserti anşlaqla qarşılanıb
2023
Azərbaycanlı pianoçunun Kennedi Mərkəzindəki konserti anşlaqla qarşılanıb
Vaşintondakı məşhur Kennedi Mərkəzinin Millenium səhnəsində Milli Musiqi və Qlobal Mədəniyyət Cəmiyyətinin təsisçisi, tanınmış pianoçu, beynəlxalq müsabiqələr laureatı, Azərbaycanın əməkdar artisti Nərgiz Əliyarovanın solo konserti olub.
Konsert öncəsi tamaşaçıları salamlayan Nərgiz Əliyarova bildirib ki, Nyu-Yorkda yaşayan azərbaycanlı musiqiçi kimi bu nəhəng konsert salonunda “İpək Yolunun musiqisi” (“Music of the Silk Road”) adlı solo proqram təqdim eməkdən çox məmnundur. Qeyd edib ki, proqrama İpək Yolu üzərində yerləşən 3 ölkənin – Azərbaycan, Türkiyə və İran bəstəkarlarının əsərləri daxil olub. Azərbaycanın qədim tarixi və zəngin mədəniyyəti barədə danışan musiqiçi nəzərə çatdırıb ki, dilimiz türk dilləri qrupuna daxildir, mədəniyyətimiz Türkiyə ilə, xüsusilə də İranın Güney Azərbaycanında yaşayan 40 minə yaxın azərbaycanlı ilə bənzərdir.
Sonra pianoçunun ifasında Azərbaycan bəstəkarları Qara Qarayev, Fikrət Əmirov, Firəngiz Əlizadə, Faiq Sücəddinov və Lalə Cəfərovanın, türk bəstəkarları Ülvi Camal Erkin və Fazil Sayın, İranın ilk qadın dirijoru Gölnuş Xaleğinin, Güney Azərbaycandan olan bəstəkar Aria Torkanborinin əsərləri səsləndirilib. Tamaşaçılar pianoçunun ifasını alqışlarla qarşılayıblar. Pianoçumuz hər bəstəkarın əsərini ifa etməkdən öncə onların həyatları barədə məlumat verib.
Anşlaqla başa çatan konsert zamanı tamaşaçılar zala sığmayıblar. Onların bir hissəsi pianoçunu ayaq üstə dinləyiblər.
Kennedi Mərkəzi konserti canlı yayımlayıb. Videogörüntülər mərkəzin saytında və YouTube kanalında yerləşdirilib.
Konserti aşağıdakı linklərdən izləmək mümkündür:
https://www.kennedy-center.org/whats-on/millennium-stage/2023/january/music-of-the-silk-road-nargiz-aliyarova/
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/azerbaycanli-pianocunun-kennedi-merkezindeki-konserti-anslaqla-qarsilanib-2186