Azərbaycan sülhsevərləri İordaniyadakı diasporumuzun dəvəti ilə Əmmana səfər edib
24 fevral, 2023
Azərbaycan sülhsevərləri İordaniyadakı diasporumuzun dəvəti ilə Əmmana səfər edib
Ərəb Ölkələri üzrə Azərbaycanlıların Koordinasiya Şurasının İordaniyadakı əlaqələndiricisi Zümrüd Dadaşovanın şəxsi dəvəti ilə “Beynəlxalq Humanistika İnstitutu” İctimai Birliyinin nümayəndə heyəti İordaniyada səfərdə olub.
Birliyin sədri Elmira Məhəddinlinin rəhbərlik etdiyi nümayəndə heyəti öncə Əmmanın Bədr rayonunda yerləşən Heydər Əliyev adına meydanı ziyarət edib. Ziyarət zamanı müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin adını daşıyan memorial lövhə önünə əklil qoyulub və xalqımızın ulu öndərinin əziz xatirəsi ehtiramla yad edilib.
Səfər çərçivəsində nümayəndə heyəti Azərbaycanın İordaniyadakı səfirliyində olub, Azərbaycan diasporunun və yerli ictimaiyyətin nümayəndələri ilə görüşlər keçirib. İordaniyanın vətəndaş cəmiyyəti nümayəndələri ilə gələcək müştərək layihələr barədə fikir mübadiləsi aparılıb. Layihələrdə Azərbaycan diasporunun iştirakı da nəzərdə tutulub.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:http://diaspor.gov.az/az/news-detail/azerbaycan-sulhseverleri-iordaniyadaki-diasporumuzun-deveti-ile-emmana-sefer-edib-2436