Azərbaycan Səudiyyə Ərəbistanı Krallığının Dhahran şəhərində keçirilən beynəlxalq festivalda təmsil olunub
2024
Azərbaycan Səudiyyə Ərəbistanı Krallığının Dhahran şəhərində keçirilən beynəlxalq festivalda təmsil olunub
Dhahran şəhərində yaşayan Azərbaycan icması 40-dan artıq ölkənin təmsil olunduğu beynəlxalq festivalda ölkəmizi təmsil edib. Festival çərçivəsində yaradılmış Azərbaycan guşəsində Azərbaycan xəritəsi, Xarı Bülbül simvolu və tarixi abidələrimizin təsviri olan stend, eyni zamanda qədim məişət əşyaları, milli musiqi alətləri, suvenirlər və milli geyimlər yer alıb. Həmvətənlərimiz ölkəmizin əsrarəngiz təbiəti, qədim tarixi, zəngin mədəniyyəti, musiqisi, mətbəxi, həmçinin turizm potensialı barədə festival iştirakçılarına və qonaqlara ətraflı məlumat veriblər. Qonaqlara həmçinin milli mətbəximizin müxtəlif şirniyyat nümunələri təqdim edilib. Həmvətənlərimizin ifasında təqdim olunan Azərbaycan milli rəqsləri festival iştirakçıları tərəfindən maraqla qarşılanıb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/azerbaycan-seudiyye-erebistani-kralliginin-dhahran-seherinde-kecirilen-beynelxalq-festivalda-temsil-olunub-4243