Azərbaycan diasporunu təmsil edən alimlər Bakıda keçiriləcək 74-cü Beynəlxalq Astronavtika Konqresinə qatılacaqlar
, 2023
Azərbaycan diasporunu təmsil edən alimlər Bakıda keçiriləcək 74-cü Beynəlxalq Astronavtika Konqresinə qatılacaqlar
Bakı şəhərində oktyabrın 2–6-da keçiriləcək 74-cü Beynəlxalq Astronavtika Konqresində Azərbaycan diasporunu təmsil edən tanınmış alimlər də iştirak edəcək.
Onların arasında Mərkəzi Florida Universiteti, Günəş Enerjisi Mərkəzi, Hidrogen Energetika üzrə qrup rəhbəri Prof. Dr. Nazim Muradov, İstanbul Ticarət Universitetinin professoru, mexanika və aerokosmik mühəndislik sahəsində tanınmış alim Abdulla Sofiyev, İstanbul Texniki Üniversitetinin Aeronavtika və kosmonavtika fakültəsinin professoru Çingiz Hacıyev, “Capella Space” şirkətinin meneceri, Florida Azərbaycan icmasının rəhbəri Esmira Bayramova var.
Qeyd edək ki, xaricdə yaşayan bu alimlər Diasporla İş üzrə Dövlət Komitəsinin təqdim etdiyi siyahı üzrə seçiliblər. Alimlərlə mütəmadi əlaqə yaradılıb və onların təqdim etdikləri elmi məqalələr soydaşlarımıza 74-cü Beynəlxalq Astronavtika Konqresində çıxış etmək hüququ qazandırıb.
Xatırladaq ki, Azərbaycan 2023-cü ildə Beynəlxalq Astronavtika Konqresinə ev sahibliyi etmək hüququ qazanıb. İlk dəfə ulu öndər Heydər Əliyevin rəhbərliyi dövründə ‒ 1973-cü ildə Bakıda keçirilən Beynəlxalq Astronavtika Konqresinə 50 ildən sonra yenidən Azərbaycanın ev sahibliyi etməsi böyük rəmzi məna daşıyır.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/azerbaycan-diasporunu-temsil-eden-alimler-bakida-kecirilecek-74-cu-beynelxalq-astronavtika-konqresine-qatilacaqlar-3611