Astanada azərbaycanlı iş adamına “Jomart Jan” mükafatı təqdim edilib
, 2023
Astanada azərbaycanlı iş adamına “Jomart Jan” mükafatı təqdim edilib
Qazaxıstanın Aktau şəhərində yaşayan azərbaycanlı iş adamı Tağı Zirəddin oğlu Tağıyev Qazaxıstan Xalqı Assambleyasının “Səxavətli Ruh” (“Jomart Jan”) döş nişanı ilə təltif edilib.
Astana şəhərində Qazaxıstanın Respublika Günü ərəfəsində təşkil edilən “Mərhəmət karvanı” respublika forumunda azərbaycanlı iş adamına bu mükafatı Qazaxıstan Xalqı Assambleyasının sədrinin müavini Marat Azilxanov təqdim edib. “Jomart Jan” mükafatı xeyriyyəçilərə xüsusi qayğıya ehtiyacı olan uşaqlara və Abay rayonunda yanğın qurbanlarına dəstək göstərdiklərinə görə təqdim olunub.
Forumda Qazaxıstan Parlamentinin deputatları, dövlət qurumlarının təmsilçiləri, müxtəlif etnomədəni birliklərin nümayəndələri, xeyriyyəçilər və başqaları iştirak ediblər.
Xatırladaq ki, Qazaxıstan Xalqı Assambleyasının sədri ölkə Prezidenti Kasım-Jomart Tokayevdir.
Azərbaycanlı iş adamı Tağı Tağıyev kimsəsiz uşaqlara dəstəyinə görə “XI Vətəndaş Forumu”nun diplomuna da layiq görülüb.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/astanada-azerbaycanli-is-adamina-jomart-jan-mukafati-teqdim-edilib-3712