Arxangelskdə millətlərarası forumun işində Azərbaycan diasporu fəallığı ilə fərqlənib
, 2023
Arxangelskdə millətlərarası forumun işində Azərbaycan diasporu fəallığı ilə fərqlənib
Rusiyanın Arxangelsk vilayətində fəaliyyət göstərən Azərbaycan diasporu bu bölgədə keçirilən XV Şimal Millətlərarası Forumunun hazırlanmasında və keçirilməsində fəal iştirak edib.
“Arxangelsk vilayətinin Azərbaycan diasporu” regional ictimai təşkilatının idarə heyətinin sədri Tərlan Qasımov bildirib ki, hər il Arxangelsk vilayəti hökumətinin dəstəyi ilə gerçəkləşdirilən forumun ilk günündə təşkilatın fəalı Səbinə Abdullayeva maraqlı təqdimatla çıxış edib. “Arxangelsk vilayətində yaşayan əcnəbi vətəndaşların sosiallaşmasının və mədəni adaptasiyasının təşviqi” mövzusu çərçivəsində baş tutan təqdimat zamanı soydaşımız “Əmək miqrantlarının uyğunlaşmasının praktiki üsulları”ndan danışıb.
Bundan başqa, forum çərçivəsində “Arxangelsk vilayətinin Azərbaycan diasporu” regional ictimai təşkilatının dəstəyi ilə “Milli-mədəni birliklərin fəaliyyətində gənclərin rolu” mövzusunda beynəlxalq dəyirmi masa keçirilib.
Ceyhun Əhmədovun moderatorluğu ilə aparılan tədbirdə Yaroslavl vilayətindəki “Vətənpərvərlik Tərbiyəsi Mərkəzi” Dövlət Muxtar Müəssisəsinin proqram və layihələrin həyata keçirilməsi şöbəsinin gənclərlə iş üzrə mütəxəssisi Gül Məmmədova ekspert qismində çıxış edib.
FOTO QALEREYA
dostların arasında bunu ilk tövsiyyə edən sən ol
DIGƏR XƏBƏRLƏR
kaynak:https://diaspor.gov.az/az/news-detail/arxangelskde-milletlerarasi-forumun-isinde-azerbaycan-diasporu-fealligi-ile-ferqlenib-3201